काठमाडौं -स्याङ्जा आँधीखोला गाउँपालिका-१ अधिकारी टोल बस्ने २७ वर्षीय मनोज विक घरदेखि करिब २ सय मिटर टाढा बारीमा बुधबार बेलुकी मृत अवस्थामा फेला परेका छन् । त्रिबेणी माथिको जंगलमा मंगलबार साँझ गएका ७ जनामध्ये ४ जना फर्किएको र ३ जना नफर्किएको भन्ने खबर प्राप्त हुनासाथ खटिएको प्रहरी टोलीले खोजी गर्नेक्रममा भरुवा बन्दुकको गोली लागेर मृत्यु भएको अवस्थामा उनको शव फेला पारेको हो । उक्त स्थानमा १ थान भरुवा बन्दुक समेत फेला परेको छ भने हाल बेपत्ता २ जनाको खोजी भइरहेको छ । जंगलबाट फर्केका ४ जनालाई आवश्यक अनुसन्धान तथा सोधपुछका लागि जिल्ला प्रहरी कार्यालय स्याङ्जाबाट खटिएको प्रहरीले नियन्त्रणमा लिएको छ ।
ललितपुर महालक्ष्मी नगरपालिका-१० लाकुरी भञ्ज्याङ कार्तिके डाँडास्थित बाटोमा सोही ठाउँ बस्ने २८ वर्षीय कुमार सिङताङ बिहीबार मृत अवस्थामा फेला परेका छन् ।
धादिङ गल्छी गाउँपालिका-६ सुत्केरी ढुङ्गास्थित त्रिशुली नदीको दहमा हाल नाम, थर, वतन नखुलेका करिब ४० वर्षीय पुरुष बिहीबार मृत अवस्थामा फेला परेका छन् ।
