काठमाडौं -महानगरपालिका-९ तिलगंगा पिङलास्थानमा बा.५ ख १५३८ नम्बरको बसले बाग्मती प्रदेश -०२-०२१ प १९३५ नम्बरको स्कुटरलाई सोमबार साँझ ठक्कर दिँदा स्कुटर चालक काठमाडौं शान्तिनगर बस्ने दोलखा घर भएकी २५ वर्षीया कृतिका कार्कीको मृत्यु भएको छ । दुर्घटनामा गम्भीर घाइते भएकी उनको सिनामंगलस्थित केएमसी अस्पतालमा उपचारको क्रममा मृत्यु भएको हो । हाल फरार बस चालकको प्रहरीले खोजी गरिरहेको छ
सुनसरी धरान उपमहानगरपालिका-१५ आरालाइनस्थित सडकमा रोकीराखेको ना.७ ख ११५८ नम्बरको ट्रकमा बा.५८ प ८३२८ नम्बरको मोटरसाइकल ठोक्किएर सोमबार साँझ दुर्घटना हुँदा मोटरसाइकल चालक सोही ठाउँ बस्ने भक्तपुर, भक्तपुर नगरपालिका-२ घर भएका ४२ वर्षीय राजेश सिजापतीको मृत्यु भएको छ । दुर्घटनामा गम्भीर घाइते भएका उनको धरान घोपा अस्पतालमा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ ।
सिन्धुली दुधौली नगरपालिका-७ डम्वर खाडीमा प्रदेश २-०१-००१ प ८१५४ नम्बरको स्कुटर र प्र २-०१-००१ प ५२०७ नम्बरको मोटरसाइकल सोमबार दिउँसो दुर्घटना हुँदा मोटरसाइकलमा सवार दुधौली नगरपालिका-७ कत्ले खोला बस्ने ५५ वर्षीय वीर बहादुर मगरको मृत्यु भएको छ । उक्त स्कुटर र मोटरसाइकल एक आपसमा ठक्कर खाई भएको दुर्घटनामा गम्भीर घाइते भएका उनको उपचारको लागि विराटनगरतर्फ लैजाने क्रममा बाटोमै मृत्यु भएको हो । दुर्घटनामा घाइते भएका १ जनालाई थप उपचारको लागि नोबेल अस्पताल विराटनगर रिफर गरिएको छ ।
सिरहा धनगढीमाई नगरपालिका-११ स्थित सडकमा स.२ प ९९४४ नम्बरको मोटरसाइकललाई हाल नम्बर नखुलेको सवारी साधनले सोमबार साँझ ठक्कर दिँदा मोटरसाइकल चालक मिर्चैया नगरपालिका-७ बस्ने विष्णुपुर गाउँपालिका-४ घर भएका ३२ वर्षीय मो.समिनको मृत्यु भएको छ । ठक्करबाट गम्भीर घाइते भएका उनको उपचारको लागि राउ स्मारक अस्पताल लहानतर्फ लैजाने क्रममा बाटोमै मृत्यु भएको हो । हाल फरार सवारी साधनको प्रहरीले खोजी गरिरहेको छ ।
