काठमाडौं- झापा, गौरादह नगरपालिका-७ ग्वालडुब्बास्थित सडकमा बा.८ च ७७३५ नम्बरको माईक्रो भ्यानको ठक्करबाट सोही ठाउँ बस्ने २८ वर्षीया सिता साहको बिहीबार दिउँसो मृत्यु भएको छ । ठक्करबाट गम्भीर घाइते भएकी उनको दमक अस्पतालमा उपचारको क्रममा मृत्यु भएको हो । साथै सोही भ्यानको ठक्करबाट घाइते भएका अन्य २ जनाको सोही अस्पतालमा उपचार भइरहेको छ । माईक्रो भ्यान चालकलाई प्रहरीले नियन्त्रणमा लिएको छ ।
यसैगरी झापा, बिर्तामोड नगरपालिका-३ स्थित सडकमा मे.५ प १३६५ नम्बरको मोटरसाइकललाई मे.१ क ७८६ नम्बरको ट्रकले बिहीबार दिउँसो ठक्कर दिँदा मोटरसाइकल चालक बिर्तामोड नगरपालिका-९ बस्ने ४३ वर्षीय सम्पत राजवंशीको मृत्यु भएको छ । दुर्घटनामा गम्भीर घाइते भएका उनको उपचारको लागि बीएण्डसी अस्पतालतर्फ लैजाने क्रममा बाटोमै मृत्यु भएको हो । दुर्घटनामा घाइते भएका मोटरसाइकलमा सवार बिर्तामोड नगरपालिका-९ बस्ने ३१ वर्षीया शान्ता कार्कीको सोही अस्पतालमा उपचार भइरहेको छ । ट्रक चालकलाई प्रहरीले नियन्त्रणमा लिएको छ ।
कैलाली, गोदावरी नगरपालिका-१ मनहरा पुल नजिक हाल नम्बर नखुलेको सवारी साधननको ठक्करबाट हाल नाम, थर, वतन नखुलेका अन्दाजी २५ वर्षीय पुरुषको बिहीबार राति मृत्यु भएको छ । ठक्करबाट गम्भीर घाइते भएका उनको सेती प्रादेशिक अस्पताल धनगढीमा उपचारको क्रममा मृत्यु भएको हो । हाल फरार ठक्कर दिने सवारी साधनको प्रहरीले खोजी गरिरहेको छ ।
रुकुम(पश्चिम) आठबिसकोट नगरपालिका-७ औलस्थित सडकमा रा.१ त ४४१२ नम्बरको ट्याक्टर पल्टिएर गएराति दुर्घटना हुँदा ट्याक्टर चालक सोही नगरपालिका-७ बस्ने २५ वर्षिय करन नेपालीको घटनास्थलमै मृत्यु भएको छ । दुर्घटनामा घाइते भएकी उनकै श्रीमती २० वर्षीया सपना बिकलाई उपचारको लागि नगर अस्पताल राडीतर्फ पठाइएको छ ।
