काठमाडौं- इजरायल दुतावासले सोमबार (आज) एक हजार नेपाली सहयोगी कामदार चुन्दैछ । करिब नौ हजारभन्दा बढीको आवेदन, स्वास्थ्य परिक्षण र अन्तर्वार्ताबाट छानिएका १६ सयमध्ये एक हजार कामदार चिठ्ठा प्रक्रियाबाट छानिंदैछन् । इजरायका राजदूत हनान गोदर भन्छन् , ‘लामो प्रयास र एक वर्षको प्रक्रियापछि आज एक हजार चुनिंदैछन् । यसरी चुनिएका कामदारहरूले पासपोर्ट मात्रै आफ्नो खर्चले बनाउन पर्ने हुन्छ । भिसा, टिकटलगायत सबै खर्च दुतावासले बेहोरिन्छ ।
इजरायल सरकार र नेपाल श्रम विभागको प्रयासबाट सो सम्भव भएको हो । पहिलो पटक भएको यस प्रकारको प्रक्रियाबाट नेपाली श्रमिकहरूले म्यानपावर लगायत अन्य बिचौलियाबाट ठगिने नपर्ने देखिएको छ ।
