काठमाडौं- आफ्नो युट्युब च्यानलमार्फत महिलाको चरित्रहत्या गर्ने चारजनालाई प्रहरीले पक्राउ गरेको छ
पक्राउ पर्नेमा दाङ तुलसीपुर-१७ मिमुवा घर भई काठमाडौं गोकर्णेश्वर बस्ने प्रदीप भण्डारी, नुवाकोट सूर्यगढी-२ चोकदे घर भई काठमाडौं नेपालटार बस्ने शिशिर अधिकारी, मोरङ बेलवारी-९ घर भई काठमाडौं पेप्सीकोला बस्ने पिंकला कार्की र दोलखा मेलुङ-४ घर भई काठमाडौं गोकर्णेश्वर बस्ने रोधन तामाङ छन् ।
उनीहरूलाई प्रहरीको साइबर ब्युरोले पक्राउ गरी जिल्ला अदालत, काठमाडौंबाट म्याद थप गरेर अनुसन्धान अगाडि बढाएको छ
भण्डारीले ‘दैनिक खबर’, अधिकारीले ‘हरेक पलको खबर’, कार्कीले ‘सराइचुली मिडिया’ र तामाङले ‘मोर्डन अनलाइन टीभी’ नाममा युट्युब च्यानल चलाउँदै आएका छन् । आफ्नो च्यानलमा महिलाका तस्बिरसहित चरित्रहत्या हुने तथा इज्जत प्रतिष्ठामा आँच पु¥याउने सामग्री प्रसारण गर्दै आएको प्रहरीले जनाएको छ ।
