काठमाडौं- एमालेले विधान महाधिवेशन पर सारेको छ । ४-६ असोजमा तय भएको विधान महाधिवेशन १५-१७ असोजमा गर्ने भएको छ ।
ललितपुर च्यासलस्थित तुलसीलाल स्मृति प्रतिष्ठानमा शनिबार सम्पन्न स्थायी कमिटी बैठकले विधान महाधिवेशनको मिति हेरफेर गरेको हो ।
एमाले प्रचार विभाग प्रमुख योगेश भट्टराईका अनुसार समय अभावका कारण विधान महाधिवेशन सारिएको हो । महाधिवेशनमा करिब तीन हजार प्रतिनिधिले भाग लिने उनले बताए ।
उक्त बैठकले संसद् बैठकमा अवरोध कायम राख्ने निर्णय पनि गरेको छ । आइतबार १२ बजेका लागि संसदीय दलको बैठक बोलाउने निर्णय पनि स्थायी समितिले गरेको छ ।
