काठमाडौं- पार्टी केन्द्रीय उपसभापति विमलेन्द्र निधिलाई दोष दिँदै कांग्रेस सांसद अमरेशकुमार सिंहले पदबाट राजिनामा बुझाएका छन् ।
तर, उनले आफ्नो राजिनामा सभामुखलाई नभई कांग्रेस सभापति तथा प्रधानमन्त्री शेरबहादुर देउवालाई बुझाएका हुन् ।
राजिनामा पत्रमा सिंहले प्रदेश-२ मा उपसभापति निधिले अवलम्बन गरेको नीति र व्यवहारले चिन्ताजनक स्थिति उत्पन्न गराएको दाबी गरेका छन् । ‘विगत दुई दशकदेखि प्रदेशमा कांग्रेसको एकछत्र नेताका रूपमा निधिको उपस्थिति रहनु र यही दुई दशकभित्र कांग्रेसको प्रभाव तथा हैसियत ह्रासोन्मुख हुनुलाई संयोग मात्र मान्न सकिँदैन,’ उनले राजिनामा पत्रमा लेखेका छन्, ‘निष्ठावान, गतिशील र पार्टीप्रति समर्पित पुराना तथा युवा साथीहरूलाई समेट्न नखोज्ने, विपरीत छविका र पार्टीसँग अपरिचित व्यक्तिहरूलाई मनोमानी तरिकाले क्रियाशील सदस्यता वितरण गरी समायोजन र नवीकरणका नाममा निजी जत्था तयार गर्ने कपटी प्रयास भइरहेकोतर्फ ध्यानाकर्षण गराउन चाहन्छु ।’
यस्तो राजिनामा पत्र
