काठमाडौं- पछिल्लो २४ घण्टामा दुई हजार २३९ जनामा कोभिड–१९ पजिटिभ देखिएको छ ।
६ हजार ६ सय ५७ पीसीआर परीक्षणमा एक हजार चार सय ७९ तथा चार हजार ६ सय ५६ एन्टिजेन परीक्षणमा ७६० जनामा कोरोना संक्रमण देखिएको स्वास्थ्य मन्त्रालयले जनाएको छ ।
यस्तै, पछिल्लो २४ घण्टामा कोरोना संक्रमणबाट २० जनाको मृत्यु भएको छ । र, एक हजार तीन सय १६ जना निको भएका छन् ।
शुक्रबार थपिएकासँगै नेपालमा कोरोना संक्रमितको कुल संख्या ६ लाख ५२ हजार आठ सय ५९ पुगेको छ । तीमध्ये नौ हजार तीन सय ४० जनाको मृत्यु भएको छ । हालसम्म ६ लाख १६ हजार नौ सय २९ जना निको भएका छन् ।
