काठमाडौं- नेपाल प्रेस काउन्सिलको अध्यक्षमा पत्रकार बालकृष्ण बस्नेत नियुक्त भएका छन् । बिहीबारको मन्त्रिपरिषद् बैठकले बस्नेतलाई चार वर्षका लागि काउन्सिल अध्यक्ष बनाएको हो ।
उनी लामो समय कान्तिपुर पब्लिकेसन्समा आबद्ध रहेका बस्नेत नेपाल पत्रकार महासंघका पूर्वकेन्द्रीय सदस्य पनि हुन् । हालै सम्पन्न महासंघको निर्वाचनमा उनी महासचिव पदमा पराजित भएका थिए । उनी कानून व्यवसायी पनि हुन् ।
प्रेस काउन्सिलका तत्कालीन अध्यक्ष भवानी बरालको योग्यतासम्बन्धी विवादका कारण किशोर श्रेष्ठ र गोपाल बुढाथोकीले क्रमशः कार्यवाहक अध्यक्ष चलाएका थिए ।
बुढाथोकीको कार्यकाल सकिएपछि सरकारले बस्नेतलाई नियुक्त गरेको हो ।
