नैरोबी- गैरआवासीय नेपाल संघ केन्याले त्यहाँको अध्यागमन विभागलाई १० हजार थान मास्क सहयोग गरेको छ।
केन्याका संस्थापक अध्यक्ष कूलबहादुर कार्कीले अध्यागमन विभागकी उपनिर्देशक एलिसेन्ट ओडिपोलाई मास्क हस्तान्तरण गरेका हुन्।
कोरोना रोकथामका लागि सानै भए पनि सहयोग गर्न सकेकोमा खुशी लागेको एनआरएन केन्याका पूर्वअध्यक्ष कृष्णदत्त भट्टले बताए।
उनले भने, ‘विश्वव्यापी कोरोना महामारी नियन्त्रणका लागि बस्दै आएको देशमा सहयोग गर्न पाउनु खुशीको कुरा हो।’
केन्यामा हालसम्म एक हजार सात सय ९१ जनाको कोरोनाको कारण मृत्यु भएको छ भने एक लाख दुई हजार मानिस संक्रमित भएका छन्। तीमध्ये ८४ हजार निको भएका छन्।
