संसारभरका ठाउँ आ-आफ्नो विशेषताका लागि प्रख्यात छन्। यस्तै एउटा स्थान मेक्सिकोमा छ, जसलाई ‘जोन अफ साइलेन्स’ भनिन्छ। यहाँ पुग्ने जो कोहीसँग बिचित्रका घटना हुने गर्छन्।
उत्तरी मेक्सिको ‘जोन अफ साइलेन्स’मा पुगेर तपाईं आफ्नो मोबाइल खोलेर फेसबुक अपडेट गर्न सक्नु हुन्न, ट्विट गर्न सक्नु हुन्न। त्यहाँ सामाजिक सञ्जाल प्रयोगमा बन्देज लगाइएको छैन। यस स्थानको रहस्य नै यही हो यहाँ पुग्नासाथ कुनै पनि किसिमका विद्युतीय उपकरणले काम गर्दैनन्। मोबाइलमा सिग्नल नै आउँदैन।
यो स्थान मेक्सिकोको मरुभूमि चिहुआहुआ हो। यहाँ संसारभरिका कुनै पनि विद्युतीय उपकरणले काम गर्दैनन्। यहाँ कुनै पनि रेडियो फ्रिक्वेन्सीले काम गर्दैन।
अमेरिकाले गरेको एउटा रकेट परीक्षण यहाँको आकाशमा प्रवेश गर्नासाथ धराशायी हुन पुगेको थियो। अमेरिकी वैज्ञानिक जब रकेट दुर्घटनाको कारण पत्ता लाउन यस स्थानमा पुगे, आश्चर्यचकित बने। उनीहरूका सबै विद्युतीय उपकरणले काम गर्न छाड़े। उनीहरूका कम्पास र जीपीएस सिस्टमले काम गरेनन्।
सन् १९६६ तिर एउटा बहुराष्ट्रिय कम्पनीले यहाँ तेल खोजी गर्ने निधो गर्यो। ५० किलोमिटर लामो यस क्षेत्रमा जब कम्पनीका कर्मचारीले अनुसन्धान प्रारम्भ गरे, तब थाहा हुन आयो, यस क्षेत्रमा कुनै पनि विद्युतीय उपकरणले काम गरिरहेका छैनन्।
त्यसपछि यस स्थानको नाम ‘जोन अफ साइलेन्स’ राखियो। यस स्थानको यस्तो रहस्यमय चरित्रबारे अहिलेसम्म केही थाहा हुन सकेको छैन। यस स्थानमा पुग्दा मानिसलाई कुनै हानी नभएकाले यो अहिले पर्यटकीय स्थलका रूपमा स्थापित भएको छ।
