कैलाली- प्रदेश र जिल्ला प्रहरीको संयुक्त टोलीले कैलालीमा चितुवाको छाला र हड्डीसहित तीनजनालाई पक्राउ गरेको छ।
गोदावरी नगरपालिका-२ अत्तरियास्थित एक होटेलमा कारोबार भइरहेको सूचनाका आधारमा तीनजना पक्राउ परेका हुन्।
कैलाली प्रहरीका डीएसपी प्रतीक बिष्टका अनुसार पक्राउ पर्नेमा डोटी जोरायल गाउँपालिका-४ का ३१ वर्षीय किरण पुन, डोटीकै आदर्श गाउँपालिका-५ लामीखालका ३५ वर्षीय वीरबहादुर धामी र २२ वर्षीय योगेन्द्र धामी छन्।
उनीहरूलाई कारवाहीका लागि डिभिजन वन कार्यालय, धनगढीमा बुझाइएको बिष्टले जानकारी दिए।
