काठमाडौं- प्रधानमन्त्री केपी ओलीले मन्त्रिपरिषद्बाट निर्णय गराउँदै संसद् विघटनको सिफारिस गरेका छन्।
आइतबार बिहान बसेको मन्त्रिपरिषद्को आकस्मिक बैठकले राष्ट्रपतिसमक्ष संसद् विघटन गर्ने सिफारिस गरेको ऊर्जामन्त्री वर्षमान पुनले जानकारी दिए।
गत मंगलबार सरकारले मन्त्रीहरूलाई समेत जानकारी नदिई संवैधानिक परिषद्सम्बन्धी अध्यादेश जारी गरेको थियो। नेकपाको बुधबारको स्थायी कमिटी बैठकले अध्यादेश फिर्ता लिने निर्णय गरेको थियो।
