कैलाली- नेकपा विप्लव समूहका एक कार्यकर्ता कैलालीबाट पक्राउ परेका छन्।
असल शर्मा भनिने गणेश ढकाललाई प्रहरीले लम्किचुहा नगरपालिकाबाट पक्राउ गरेको हो।
जिल्ला प्रहरी र इलाका प्रहरी, लम्कीको टोलीले उनकै घरनजिकबाट नियन्त्रणमा लिएको छ। घरमा लुकेर बसेको सूचनाका आधारमा प्रहरी टोली पुगेको थियो।
प्रहरी आएको थाहा पाउनेबित्तिकै भाग्न खोजेका ढकाललाई प्रहरीले घेरा हालेर पक्राउ गरेको हो।
ढकाल पक्राउ परेकोबारे प्रहरीले भने जानकारी दिन मानेको छैन। अनुसन्धानकै प्रक्रियामा रहेकाले अहिले नै केही भन्न नमिल्ने जिल्ला प्रहरी प्रमुख एसपी अनुपमशमशेर जबराले बताए ।
