काठमाडौं- किलिएन एमबाप्पेले फ्रेन्च लिग च्याम्पियन पेरिस सेन्ट जर्मेन (पीएसजी)का लागि एक सयौँ गोल गरेका छन्।
फ्रेन्च लिग वानअन्तर्गत सम्पन्न खेलमा पीएसजीले मोन्टेपिलरलाई ३-१ ले पराजित गरेको थियो। सोही प्रतिस्पर्धामा एमबाप्पेले एक सयौँ गोल पूरा गरेका हुन्। उनले इन्जुरी टाइममा गोल गरेका थिए।
एमबाप्पेले इन्जुरी टाइमको पहिलो मिनटमा ट्यापिङ गोल गर्दै पीएसजीको जित पक्का गरे। उनी ७८औँ मिनटमा मैदान प्रवेश गरेका थिए।
पीएसजीको इतिहासमा एक सय गोल गर्ने उनी पाँचौँ खेलाडी हुन्। यसअघि एडिनसन कभानी, ज्लाटन इब्राहिमोभिच, पाउलेटा र डोमिनिक रोचेटेउले सय गोल गरेका थिए।
