काठमाडौं- सरकारले राष्ट्रिय पुनर्निर्माण प्राधिकरणको कार्य अवधि एक वर्ष थपेको छ।
मन्त्रिपरिषद्को १५ मंसिरको बैठकले प्राधिकरणको म्याद १० पुस ०७७ देखि लागु हुने गरी एक वर्ष थपेको हो।
भूकम्पबाट प्रभावित संरचनाहरूको पुनर्निर्माण सम्बन्धी ऐन, ०७२ को दफा ३ को उपदफा (३) बमोजिम म्याद थपिएको मन्त्रिपरिषद् निर्णयमा उल्लेख छ।
५ असोजमा प्रधानमन्त्री तथा प्राधिकरण निर्देशक समिति अध्यक्ष केपी ओली नेतृत्वमा बसेको बैठकले प्राधिकरणको कार्यावधि एक वर्ष थप गर्न सिफारिस गरेको थियो।
थपिएको अवधिमध्ये आगामी असार मसान्तसम्ममा चालु आर्थिक वर्ष ०७७–७८ मा विनियोजित बजेटअन्तर्गतका काम गर्ने प्राधिकरणले जनाएको छ।
यस्तै, १ साउनदेखि १० पुस ०७८ मा निजी आवास, सिंहदरबार, रानीपोखरी एवं धरहरा पुनर्निर्माणसँग सम्बन्धित काम गर्ने भएको छ।
