काठमाडौं- प्रहरीले कांग्रेस वरिष्ठ नेता रामचन्द्र पौडेललाई नियन्त्रणमा लिएको छ।
गृह जिल्ला तनहुँमा नवनिर्मित पुल उद्घााटन गर्न गएका उनलाई प्रहरीले नियत्रणमा लिएको हो।
प्राप्त जानकारीअनुसार पुल उद्घाटनको विषयमा युवा संघ र कांग्रेस कार्यकर्ताबीच तनाव उत्पन्न भएको छ। झडप हुन नदिन स्थानीय प्रशासनले पुल उद्घाटन क्षेत्रमा निषेधाज्ञा जारी गरेको छ।
सोही कारण नेता पौडेलसहित कांग्रेस नेता-कार्यकर्तालाई नियन्त्रणमा लिइएको प्रहरीले जनाएको छ।
नेता पौडेलले आफूसहितलाई प्रहरीले लाठीचार्ज गर्दै नियन्त्रणमा लिएको बताएका छन्। आफ्नो फेसबुक पृष्ठमा घटनाबारे जानकारी दिँदै नेता पौडेलले स्थानीय प्रशासनको कार्यशैलीप्रति विरोध जनाएका छन्।
