काठमाडौं- नेपाल प्रहरीका ३३ वरिष्ठ उपरीक्षक (एसएसपी)हरूको सरुवा भएको छ । गृह मन्त्रालयले शुक्रबार प्रकाशित गरेको सरुवा सूचीअनुसार महानगरीय प्रहरी परिसर काठमाडौंमा अशोक सिंहको सरुवा भएको छ । त्यहाँ कार्यरत श्यामलाल ज्ञवालीलाई अपराध अनुसन्धान विभागमा पठाइएको छ ।
महानगरीय प्रहरी परिसर, ललितपुरमा किरण बज्राचार्यको सरुवा भएको छ । त्यहाँ कार्यरत टेकप्रसाद राईलाई प्रहरी प्रधान कार्यालय, कार्य विभागमा पठाइएको छ ।
यस्तै, महानगरीय ट्राफिक प्रहरी महाशाखामा जनक भट्टराईको सरुवा भएको छ । त्यहाँका भीम ढकाललाई प्रहरी प्रधान कार्यालय, सामुदायिक प्रहरी महाशाखामा लगिएको छ ।
गण्डकी प्रदेश प्रहरी तालिम केन्द्र प्रमुख रहेका दिवेश लोहनीलाई प्रहरी प्रधान कार्यालय यूएन महाशाखामा ल्याइएको छ । केन्द्रीय अनुसन्धान ब्युरो उपप्रमुखमा एसएसपी सुदीप गिरीलाई सरुवा गरिएको छ ।
हेर्नुहोस् सूची
