ग्लोबल गोरखा समाजको अन्तर्राष्ट्रिय समन्वय परिषदले सात सदस्यीय संरक्षक समिति गठन गरेको छ । समाजले एनआरएनए पूर्वअध्यक्ष भवन भट्टलाई प्रमुख संरक्षक बनाएको छ ।
संरक्षकहरूमा एनआरएनए अध्यक्ष कुमार पन्त, एनआरएनए संरक्षक रामप्रताप थापा, सामाजिक अभियन्ता डा. विष्णुमाया परियार, समाजका निवर्तमान अध्यक्ष जयप्रकाश गुरुङ, एनआरएनए पूर्वविधान समिति सदस्य हरिहर अर्याल र एनआरएनए नैतिक पाठशाला संयोजक कृष्ण लामिछाने चयन भएका छन् ।
बैठकले निवर्तमान महासचिव विनोद पोखरेललाई नेपालमा समन्वय गर्ने गरी ग्लोबल गोरखा समाज संयोजकको जिम्मेवारी दिएको छ ।
