काठमाडौं- निर्वाचन आयोगले समानुपातिकतर्फको सिट बाँटफाँट गरेको छ।
३ प्रतिशत थ्रेसहोल्ड कटाएका सात दलका लागि समानुपातिक सिट निर्धारण गरेको हो।
त्यसअनुसार सबैभन्दा बढी एमालेले ३४ सिट हासिल गरेको छ। यस्तै, कांग्रेसले ३२ सिट पाएको छ।
माओवादी केन्द्रले १४, राष्ट्रिय स्वतन्त्र पार्टीले १३, राप्रपाले ७, जसपाले ५ र जनमत पार्टीले ५ सिट प्राप्त गरेका छन्।
यससँगै प्रत्यक्षतर्फ ५७ सिट जितेको कांग्रेसको भागमा प्रतिनिधिसभामा ८९ सिट प्राप्त भएको छ। यस्तै, ४४ सिट जितेको एमालेले ७८ सिटसहित दोस्रो स्थान बनाएको छ।
१८ सिट जितेको माओवादीको भागमा समानुपातिकसहित ३२ सिट परेको छ। राष्ट्रिय स्वतन्त्र पार्टीले २० सिट हासिल गरेको छ। राप्रपाले १४, जसपाले १२ र जनमत पार्टीले ६ सिट पाएका छन्। अन्य दलहरू राष्ट्रिय पार्टी बन्नबाट वञ्चित भएका छन्।
