बेइजिङ- चीनको कडा चेतावनीका बावजुद अमेरिकी सभामुख न्यान्सी पेलोसी कडा सुरक्षासहित ताइवान पुगेकी छन्।
उनी २५ वर्षयता ताइवान पुग्ने उच्च अमेरिकी राजनीतिज्ञ हुन्। मार्च १९९७ मा तत्कालीन अमेरिकी सभामुख न्युट गिन्ग्रिजले ताइवान भ्रमण गरेयता यति उच्चस्तरमा ताइवानमा अमेरिकी अधिकारीको भ्रमण भएको थिएन ।
ताइवान पुगेर उनले ताइवानको लोकतन्त्रका लागि आफ्नो भ्रमण शुरु भएको ट्विटमार्फत बताएकी छन्।
ताइवानका दुई करोड ३० लाख जनसंख्यासँग लोकतन्त्रका लागि ऐक्यबद्धता जनाउन आफू ताइपेई आइपुगेको उनको दाबी छ। ताइवानप्रति अमेरिकाको परम्परागत नीतिअनुसार नै आफू आएको उनले बताएकी छन्।
