काठमाडौं – मधेस प्रदेस सरकारले उद्योग, वाणिज्य तथा उपभोक्ता हित संरक्षण निर्देशनालय खारेज गर्ने निर्णय गरेको छ।
प्रदेसको राजधानी जनकपुरधाममा सञ्चालनमा रहेको उद्योग, वाणिज्य तथा उपभोक्ता हित संरक्षण निर्देशनालय सरकारले खारेज गर्ने निर्णय गरेको हो।
सोमबार बिहान बसेको मन्त्रिपरिषद बैठकले निर्देशनालय खारेज गर्ने निर्णय गरेको सरकारका प्रवक्तासमेत रहेका अर्थमन्त्री शैलेन्द्र साहले जानकारी दिए।
जिल्लाहरूमै सम्बन्धित विभाग रहेकाले निर्देशनालय खारेज गर्ने निर्णय भएको साहले बताए।
बैठकले उद्योग विभाग र पर्यटन विकास कार्यालय स्थापना गर्ने निर्णय गरेको साहले बताए।
साहकाअनुसार वीरगञ्जमा उद्योग विभाग र जनकपुरधाम, लहान तथा वीरगञ्जमा १ / १ गरी तीनवटा पर्यटन विकास कार्यालय स्थापना गर्ने निर्णय बैठकले गरेको हो।
