काठमाडौं- त्रिपुरेश्वरस्थित राहदानी विभागमा आएका सेवाग्राहीलाई ठगी गर्ने चारजनालाई प्रहरीले पक्राउ गरेको छ।
पक्राउ पर्नेहरूमा चाबहिल बस्दै आएका सिन्धुपाल्चोक मेलम्ची–५ का वर्ष ३३ को रामबहादुर बोगटी, धनकुटा पाख्रिबास-१० चुन्वाङका वर्ष २८ को श्यामकुमार राई, सिन्धुपाल्चोक हेलम्बु गाउँपालिका-२ का वर्ष २२ को राम पौडेल र काठमाडौं गोकर्णेश्वर-२ सुन्दरीजलका वर्ष ४१ को विवेक गुरुङ छन्। गुरुङले चाबहिलमा रोज बर्ड नामक फोटो स्टुडियो सञ्चालन गर्दै आएका छन्।
उनीहरूले ११ साउनमा तुरुन्तै पासपोर्ट बनाइदिने भन्दै सेवाग्राहीबाट रकम संकलन गरेका थिए। उनीहरूको साथबाट विभिन्न व्यक्तिको नाममा भरिएको अनलाइन फारम ३२ थान, तीनवटा ल्यापटप, एउटा प्रिन्टर र तीनवटा मोबाइल बरामद भएको प्रहरीले जनाएको छ।
