काठमाडौँ । नेपाल राष्ट्र बैंकले जारी गरेको मौद्रिक नीतिअनुसार विदेश जाने नेपालीले विदेशी मुद्रा साट्न बैंक खाता अनिवार्य हुने पर्ने भएको छ ।
चालु आर्थिक वर्ष २०७९-८० का लागि नेपाल राष्ट्र बैंकले जारी गरेको मौद्रिक नीतिले विदेशी मुद्रा सटहीमा कडाइ गरेको हो ।
यस्तै, विदेशबाट आउने विप्रेषणको दायरा फराकिलो बनाउन विद्यमान विप्रेषणसम्बन्धी व्यवस्थामा पुनरावलोकन गर्ने घोषणासमेत बैंकले गरेको छ ।
सूचना प्रविधिलगायत सेवा निर्यात गरी विदेशी मुद्रा भित्राउने कामलाई प्रोत्साहन गर्नसमेत आवश्यक नीतिगत व्यवस्था गरिने बैंकले मौद्रिक नीतिमा समावेश गरेको छ ।
