भक्तपुर- चाँगुनारायण नगरपालिका-२ का एक वृद्ध आफ्नै घरमा जलेर मृत्यु भएको अवस्थामा फेला परेका छन्।
फक्सिङटारस्थित घरमा जलेको अवस्थामा ८४ वर्षीय जगतप्रसाद शिल्पकार मृत फेला परेका हुन्। तीनतले पक्की घरको भुइँतलाको कोठामा कम्मरदेखि माथिको भाग जली मृत अवस्थामा उनी फेला परेको प्रहरीले जनाएको छ।
उनको शव पोस्टमार्टमका लागि केएमसी अस्पताल दुवाकोट पठाइएको र घटनाबारे अनुसन्धान अगाडि बढाइएको प्रहरीले जनाएको छ।
