काठमाडौँ । श्रीलंकाका नवनियुक्त कार्यवाहक राष्ट्रपति रनिल विक्रमासिंघेले देशव्यापी निषेधाज्ञा घोषणा गरेका छन् । बुधबार कार्यवाहक राष्ट्रपति नियुक्त भएका उनले पद सम्हाल्नेवित्तिकै देशव्यापी निषेधाज्ञा घोषणा गरेका हुन ।
निषेधाज्ञा लागू भएसँगै श्रीलंकालीहरू रेलमार्ग, सडक, मनोरञ्जनस्थल, उद्यानलगायत सार्वजनिक स्थानमा हिँडडुल गर्न पाउने छैनन् । बुधबार पनि यहाँका नागरिकले प्रधानमन्त्री विक्रमासिंघेको कार्यालयमा घेराउ गरी उनको राजीनाको माग गरेका थिए ।
बुधबार नै सभामुखले प्रधानमन्त्री विक्रमासिंघेलाई कार्यबाहक राष्ट्रपतिमा नियुक्त गरिएको संसदबाट जानकारी दिएका थिए । गत शनिबार राष्ट्रपतिको कार्यालय प्रदर्शनकारीले कब्जा गरेपछि सरकारी निर्णय तथा घोषणा सभामुख र प्रधानमन्त्री कार्यालयबाट हुँदै आएका छन् ।
