काठमाडौँ । मोबाइल चोरीको आरोपमा पक्राउ परेका व्यक्तिको साथबाट ८० राउण्ड गोली बरामद भएको छ । झापाको भद्रपुर नगरपालिका ५ का १८ वर्षीय मोहम्बद प्यारेको साथबाट उक्त परिणामको गोली बरामद भएको हो ।
गत शुक्रबार पुरानो भद्रपुरका राजु अग्रवालको मोबाइल पसलबाट विभिन्न कम्पनीका मोबाइल चोरी भएको थियो ।
प्रहरीका अनुसार करिब पाँच लाख १८ हजार रुपैयाँ बराबरको सामान चोरीको उजुरीमा प्यारेलाई मंगलबार प्रहरीले पक्राउ गरिएको हो ।
उनको साथबाट चोरिएका २९ थान मोबाइल, २ थान घडी र ६१ हजार ५०० रुपैयाँ नगदसमेत फेला परेको प्रहरीले जनाएको छ ।
