श्रीलंकाका प्रधानमन्त्री रनिल विकमासिंघेको घरमा प्रदर्शनकारीहरुले आगो लगाइदिएका छन । प्रदर्शनकारीहरुले आगो लगाएपछि घरबाट आगोको लप्का परसम्म देखिएको विवीसीले जनाएको छ ।
दशौँ हजार मानिसहरुको विरोध प्रदर्शन पछिल्लो समय हिंसात्मक बनेपछि प्रधानमन्त्री राजापाक्षेले राजिनामा दिने घोषणा गर्नुभएको छ । प्रधानमन्त्री कार्यलका अनुसार प्रधानमन्त्री विक्रमासिंघेले सर्बदलीय सरकार बनाउन आफूले राजिनामा दिएको जानकारी गराउनुभएको छ।
यसअघि आज दिनभर श्रीलंकाको राजधानी कोलम्बोमा दशौँ हजार प्रदर्शनकारीहरुले प्रधानमन्त्रीको कार्यालय र राष्ट्रपतिको भवनमा समेत घेराउ गरेका थिए । राष्ट्रपति निवासमा हजारौँ प्रदर्शनकारीहरुले घेराउ गरेर भवन कब्जामा लिएका थिए । प्रदर्शनकारीहरु राष्ट्रपति भवनभित्र प्रवेश गरेका थिए । कतिपय प्रदर्शनकारीहरुले त राष्ट्रपति भवनको पौडि पोखरीमा पौडि पनि खेलेका थिए ।
सुरक्षा घेरा तोडेर प्रदर्शनकारी भवनभित्र पसेपनि राष्ट्रपति भने सकुशल रहनुभएको श्रीलंकाका संचार माध्यमलाई उद्दत गर्दै विवीसीले जनाएको छ ।
यसैगरी, विवीसीका अनुसार राष्ट्रपति भवनबाट भागेका राष्ट्रपति राजापाक्षे कहाँ हुनुहुन्छ भन्ने एकिन नभएपनि सेनाको सुरक्षा घेराभित्र कुनै नयाँ ठाउँमा बस्नु भएको छ। राष्ट्रपतिले देश छाड्ने तयारी गरेको समाचारहरु पनि प्रसारण भइरहेका छन ।
लामो समयदेखि चरम आर्थिक संकटमा परेको श्रीलंकामा नागरिकहरु आन्दोलित थिए । उनीहरुले राष्ट्रपति र प्रधानमन्त्री दुबैको राजिनामा माग्दै आएका छन ।
आर्थिक संकटका कारण श्रीलंकालीहरुको जीवन कष्टकर बनेको छ। उनीहरुले पर्याप्त खानेकुरा, औषधि र इन्धन पाइरहेका छैनन ।
