काठमाडौँ । जापानका पूर्व प्रधानमन्त्री शिन्जो आबेको हत्या भएपछि उनको शव राजधानी टोकियो लगिएको छ ।
आबेको हत्यापछि स्तब्ध भएको जापानमा भोलि आइतबार संसदीय निर्वाचन हुने भएको छ । यसैबीच पार्टीहरूले प्रचारप्रसारलाई निरन्तरता दिने निर्णय गरेका छन् ।
शिन्जो आबेलाई शुक्रबार बिहान एक व्यक्तिले घरमै बनाएको बन्दुकबाट गोली प्रहार गरेका थिए । चुनावको प्रचारप्रसारका लागि जनतालाई सम्बोधन गरिरहेका बेला उनीमाथि गोली प्रहार भएको हो ।
प्रहरीका अनुसार घटनास्थलबाट पक्राउ परेका ४१ वर्षीय व्यक्तिलाई पक्राउ गरी अनुसन्धान अगाडि बढाइएको छ ।
