काठमाडौं- शुक्रबार बिहान गोली हानी हत्या गरिएका जापानी पूर्वप्रधानमन्त्री सिन्जो आबेको निधनमा शनिबार नेपाल र भारत दुवैले राष्ट्रिय शोक मनाउने भएका छन् ।
नेपालको संघीय मन्त्रिपरिषदको शुक्रबारको बैठकमा आबेको निधनमा शनिबार राष्ट्रिय शोक मनाउने निर्णय गरेको हो । आबेको गोली प्रहार गरी हत्या भएकोमा उक्त निन्दनीय कार्यको सरकारले घोर भर्त्सना गरेको छ।
जापानका पूर्वप्रधानमन्त्री आबेको शुक्रबार साढे ११ बजेतिर राजधानी टोकियो नजिकको शहर नारामा गोली हानी हत्या गरिएको थियो।
यस्तै, भारत सरकारले पनि शनिबार राष्ट्रिय शोक घोषणा गरेको छ । प्रधानमन्त्री नरेन्द्र मोदीले उनको निधनप्रति गहिरो शोक प्रकट गर्दै एक दिन राष्ट्रिय शोक घोषणा गरेका हुन् ।
