काठमाडौं- काठमाडौं दक्षिणकाली नगरपालिका-२ ग्वाल्दह बस्ने ५० वर्षीया पार्वती परियार आफ्नै कोठामा सोमबार मृत अवस्थामा फेला परेकी छन् । यस्तै बुढानिलकण्ठ नगरपालिका-१० कपन डेरा गरी बस्ने मोरङ घर भएकी ६४ वर्षीया सबिता खड्का गिरी आफ्नै कोठामा सोमबार मृत अवस्थामा फेला परेकी छन् ।
मकवानपुर भिमफेदी गाउँपालिका-९ लामिडाँडा घर भई हाल हेटौंडा उपमहानगरपालिका-३ सरस्वती टोलस्थित च्याउ फार्ममा काम गरी बस्ने २७ वर्षीय सानु कान्छा बम्जन हेटौंडा उपमहानगरपालिका-३ स्थित हाँडी दह खोलामा मंगलबार मृत अवस्थामा फेला परेका छन् ।
कञ्चनपुर भिमदत्त नगरपालिका-६ ऐठपुर फुलबारी चोकस्थित गोल्डेन ब्रिज बोडिङ स्कुलको छतमा सोही नगरपालिका-७ हल्दुखाल बस्ने २२ वर्षीय प्रेम सिंह धामी मंगलबार मृत अवस्थामा फेला परेका छन् ।
नवलपरासी (पूर्व) कावासोती नगरपालिका-२ भाटटोल बस्ने ८२ वर्षीय जित बहादुर कानु मगर सोही ठाउँस्थित शिव माविको कम्पाउण्ड बाहिर मंगलबार मृत अवस्थामा फेला परेका छन् । कावासोती बजार जान्छु भनी सोमबार बिहान हिँडेका उनी फर्कि नआएपछि खोजी गर्ने क्रममा उक्त स्थानमा उनको शव फेला परेको हो ।
रूपन्देही बुटवल उपमहानगरपालिका-५ तिनाउँ नदी नहरको कुलोमा भारत गोरखपुर बस्ने १७ वर्षीय पुजारी भन्ने सनी कुमार मंगलबार मृत अवस्थामा फेला परेका छन् ।
सल्यान कपुरकोट गाउँपालिका-५ बुढाटोल बस्ने ४८ वर्षीया साबित्री कुमारी बुढा आफ्नै घरको कोठाभित्र मंगलबार मृत अवस्थामा फेला परेकी छन् ।
धादिङ थाक्रे गाउँपालिका-८ फोकटपुरस्थित चौरमा सोही ठाउँ बस्ने ७० वर्षीय पोष्ट बहादुर खड्का सोमबार मृत अवस्थामा फेला परेका छन् ।
दार्चुला लेकम गाउँपालिका-१ चोतेबगरस्थित चौलानी नदीमा मार्मा गाउँपालिका-२ सिमार बस्ने २६ वर्षीया सबिता चन्द सिंह सोमबार मृत अवस्थामा फेला परेकी छन् ।
सर्लाही मलगंवा नगरपालिका-३ बस्ने ३५ वर्षीय बिजय पासवान आफ्नै घर अगाडि आँगनमा सोमबार मृत अवस्थामा फेला परेका छन् । यसैगरी बागमती नगरपालिका-९ सोल्टी जाने बाटोको छेउमा सोही नगरपालिका-८ ठकुरी टोल बस्ने ४० वर्षीय टक बहादुर ठकुरी सोमबार मृत अवस्थामा फेला परेका छन् ।
यसैगरी सर्लाही ईश्वरपुर नगरपालिका-१३ सागरनाथ जंगलमा हाल नाम, थर, वतन नखुलेका करिब १९ महिनाकी बालिकाको शव पुरिएको अवस्थामा सोमबार फेला परेको छ ।
